Bhí searmanais Bronnta Céime an tSamhraidh ar siúl inniu in Ollscoil na Gaillimhe, agus rinneadh comóradh ar éachtaí acadúla suntasacha na gcéadta mac léinn agus a dteaghlaigh. Bronnadh céim ar bhreis is 400 mac léinn le linn na searmanas, lena n-áirítear 92 mac léinn ar bronnadh Dochtúireacht san Fhealsúnacht (PhD) orthu. Ar an ngrúpa is mó a bhí i láthair bhí an 187 dochtúir ar bronnadh Baitsiléir Onóracha Leighis, Baitsiléir Máinliachta agus Baitsiléir Cnáimhseachais (MB, BCh, BAO) orthu.  Le linn an tsearmanais bronnta, bhronn Coláiste an Leighis, an Altranais agus na nEolaíochtaí Sláinte 15 Bhonn don Bhliain Deiridh Leighis ar 12 chéimí. Fuair céimí amháin, an Dr Anmol Mahesh ó Chluain Meala, Co. Thiobraid Árann, 5 bhonn mar aitheantas ar a fheabhas a d’éirigh leis go hacadúil.               Dúirt Uachtarán Eatramhach Ollscoil na Gaillimhe, an tOllamh Peter McHugh: "In Ollscoil na Gaillimhe, táimid an-bhródúil as bheith mar chuid d’aistear gach mac léinn, ag tacú lena bhforbairt agus ag ceiliúradh a gcuid éachtaí. Cuireann ár gcuid mac léinn tús le haistear nua anois, agus táim ag tnúth leis an tionchar dearfach a bheidh acu ina réimsí roghnaithe a fheiceáil."   Críoch

University of Galway hosted its Summer Conferring ceremonies today, marking a significant academic milestone for hundreds of students and their families.  More than 400 students were awarded their degrees during the ceremonies, including 92 who were conferred with a Doctor of Philosophy (PhD).  The largest cohort to graduate during today’s ceremonies was the 187 doctors who received their Honours Bachelor of Medicine, Bachelor of Surgery, and Bachelor of Obstetrics (MB, BCh, BAO) degree.   During the conferring ceremony, 12 graduates were awarded a total of 15 Final Medical Medals by the University’s College of Medicine, Nursing and Health Sciences.  One graduate, Dr Anmol Mahesh from Clonmel, Co Tipperary, received 5 medals in recognition of his outstanding academic performance.               Professor Peter McHugh, Interim President of University of Galway, said: “At University of Galway, we take great pride in being part of each student’s journey, supporting their growth and celebrating their success. Graduation is not just an end, but the beginning of what our students can and will go on to achieve, and I look forward to seeing the positive impact they will make in their chosen fields."  Ends  

Ag an tráthnóna eolais bliantúil d’fhoghlaimeoirí fásta, tabharfaidh Ollscoil na Gaillimhe eolas faoi shraith nua cúrsaí, Sraith nua Dioplómaí le hArd-déantúsaíocht san áireamh, a thacóidh le daoine atá ag iarraidh cur lena gcuid scileanna le freastal ar riachtanais an tionscail atá ag athrú i rith an ama.  Beidh an tráthnóna eolais ar siúl ó 5.30-7.30pm, Dé Céadaoin, an 18 Meitheamh san Áras Bitheolaíochta Daonna ar an gcampas.  Ionad Foghlama agus Forbartha Gairmiúla d’Aosaigh na hOllscoile atá ag reáchtáil na hócáide. Cuirfear béim ag an tráthnóna eolais ar raon leathan cúrsaí gearra solúbtha agus roghanna staidéir fhadtéarmaigh, atá á gcur ar fáil chun freastal ar riachtanais foghlama daoine gairmiúla, lucht cuardaithe poist, agus daoine atá ag filleadh ar an obair.  I measc na gcúrsaí páirtaimseartha a bheidh ar fáil i mbliain acadúil 2025/26 beidh cúrsaí Springboard+ atá maoinithe go hiomlán dóibh siúd atá dífhostaithe nó ag filleadh ar an obair, agus cúrsaí a bhfuil maoiniú 90% ar fáil dóibh do dhaoine atá fostaithe ach ar mian leo cur lena gcuid scileanna, mar aon le cúrsaí a gcuirtear maoiniú ar fáil dóibh trínár gcomhpháirtithe Skillnet.  Is cúrsaí idirdhisciplíneacha an tSraith Dioplómaí nua le hArd-déantúsaíocht atá curtha in oiriúint do lucht gairmiúil a bhfuil cúlra eolaíochta agus innealtóireachta acu, go háirithe iad siúd atá ag plé le teicneolaíocht leighis agus le dearadh déantúsaíochta. Tá béim sna cúrsaí ar dhigitiú, ar inbhuanaitheacht agus ar dhéantúsaíocht chliste, agus tá siad ag teacht leis na riachtanais reatha agus leis na riachtanais nua atá ag teacht chun cinn sa tionscal.  Deis atá san imeacht seo do dhaoine ar spéis leo a bheith ina mic léinn bualadh le hionadaithe ó chúrsaí páirtaimseartha na hOllscoile i réimsí éagsúla amhail Gnó agus Bainistíocht, an Eolaíocht agus an Teicneolaíocht, Teangacha, na Dána agus na Daonnachtaí, Oideachas Pobail, agus ó chúrsaí réamhollscoile chomh maith.  Bhí an méid seo le rá ag Nuala McGuinn, Stiúrthóir an Ionaid Foghlama agus Forbartha Gairmiúla d’Aosaigh in Ollscoil na Gaillimhe: “Tuigimid go mbíonn cúraimí oibre agus teaghlaigh ar ár bhfoghlaimeoirí fásta agus tá conairí foghlama solúbtha cruthaithe againn ó chúrsaí micridhintiúr go cúrsaí máistreachta dóibh siúd atá ag iarraidh modúl gearr creidiúnaithe a dhéanamh nó dul ar aghaidh chuig cúrsa níos fadtéarmaí. Is iomaí cor i gcosán na foghlama. Teastaíonn deiseanna ó dhaoine fásta le páirt a ghlacadh agus páirt a ghlacadh an athuair san fhoghlaim ag gach céim dá saol gairmiúil ionas go mbeidh a gcuid scileanna ag teacht le riachtanais reatha an ionaid oibre. Sa domhan seo atá ag síorathrú, tá sé tábhachtach go mbeadh ár gcóras oideachais in ann freagairt do na hathruithe sin.”  Tabharfar deis dóibh sin a bheidh i láthair freastal ar chainteanna faoi chúrsaí páirtaimseartha agus faoi chúrsaí micridhintiúr, léargas a fháil ar Leibhéil NFQ, agus eolas a fháil faoin bpróiseas Aitheantais Réamhfhoghlama agus faoin mbealach ar féidir é sin a úsáid chun cáiliú le haghaidh staidéir. Chomh maith leis sin, déanfaidh an fhoireann acadúil cur i láthair faoi na cúrsaí nua Ard-déantúsaíochta agus tabharfaidh siad léargas ar an BA ceithre bliana i gCúram Sóisialta.  Le tuilleadh eolais a fháil faoin tráthnóna eolais nó le clárú, tabhair cuairt ar universityofgalway.ie/adultlearning/info_eve   Críoch